جبری گمشدگی کے معاملے پر تاخیری حربے، کابینہ کمیٹی کی ایک اور نشست بے نتیجہ

اسلام آباد : جبری گمشدگی اور لاپتہ افراد کے حوالے سے کوئی بھی حکومت کچھ بھی کرنے کوتیار نہیں اس معاملے کو مسلسل تاخیری حربوں کاشکار کیاجارہا ہے کابینہ کی ذیلی کمیٹی نے ایک بار پھر معاملے کی سنجیدگی کو مدنظر رکھتے ہوئے لاپتہ افراد کے معاملے کو جلد حل کرنے کے عزم کا اعادہ کیا ہے۔کمیٹی کا دوسرا اجلاس وزیر قانون سینیٹر اعظم نذیر تارڑ کی زیر صدارت ہواجس میں فیصل سبزواری‘شازیہ مری کے علاوہ سابق سینیٹر فرحت اللہ بابر نے خصوصی طور شرکت کی۔فیصل سبزواری اور فرحت اللہ بابر نے لاپتہ افراد کے معاملے کو حل کرنے کے لیے اپنی تجاویز دیں۔کمیٹی کا اگلا اجلاس 14 جولائی بروز جمعرات 3 بجے منعقد ہو گا ۔
کمیٹی کے آئندہ اجلاس میں وفاقی وزیر ریاض حسین پیرزادہ،لاپتہ افراد سے متعلق کام کرنے والے ہیومن رائٹس ایکٹیوسٹس، انسانی حقوق کی تنظیموں کے نمائندوں اور ریاستی اداروں کے نمائندوں‘آمنہ مسعود جنجوعہ ،سینیٹر طاہر بزنجو اور عوامی نیشنل پارٹی سے امیر حیدر خان ہوتی سمیت تمام اسٹیک ہولڈرز کی شرکت کو یقینی بنانے پر اتفاق کیا گیا۔