Raza Musani 
دمشق : شام کے صدربشار الاسد نے کہا ہے کہ باغیوں کے حملے کتنے ہی تیز کیوں نہ ہوں شام انھیں شکست دینے کے قابل ہے۔ ان کا ملک اپنے استحکام اور علاقائی سالمیت کا دفاع کرے گا۔ حکومت دہشت گردوں اور ان کے حامیوں کو شکست دے گی۔ متحدہ عرب امارات کے صدر شیخ محمد بن زائد سے ٹیلفونک گفتگو کرتے ہوئے بشار الاسد نے کہا کہ شام اپنے اتحادی ممالک کے ساتھ مل کر دہشت گرد تکفیریوں کو شکست دے گا۔ شام میں تکفیری دہشت گردوں کو شکست دینے کے لئے پوری طاقت کے ساتھ آپریشن کیا جائے گا۔ اس موقع پر عرب امارات کے صدر نے کہا کہ ابوظہبی شام کی خودمختاری اور سالمیت کے تحفظ کی مکمل حمایت کرتا ہے۔
