ریلیوں میں عوام کی بھرپور شرکت حکومت اسلامی پر اعتماد کا اظہار ہے، ولی امر المسلمین

تہران: ولی امر مسلمین آیت اللہ سید علی خامنہ ای نے انقلاب کی سالگرہ پر عوامی ریلیوں میں تاریخی ٹرن آؤٹ پر ایرانی قوم کی تعریف کی ہے۔ مشرقی آذربائیجان صوبے سے تعلق رکھنے والے گروپ سے خطاب میں آیت اللہ خامنہ ای نے کہا کہ شدید سردی کےدوران عوام کی بڑی تعداد اسلامی جمہوریہ پر ایمان کی وجہ سے سڑکوں پر آئی۔ یہ تاریخی دن تھا۔ لوگوں نےلفظی طور پر پورے ملک میں ایک تاریخ رقم کردی۔ انہوں نے کہا کہ ایرانی عوام کے جذبہ ایمانی اور بصیرت نے دشمن کا پروپیگنڈہ، اشتعال انگیزیاں، سرد موسم اور ملک کے کچھ حصوں میں صفر سے نیچے درجہ حرارت، سب کچھ نظر انداز کردیا۔ انہوں نے کہاکہ لوگوں کا ٹرن آؤٹ بہت سے حقائق کو ظاہر کرتا ہے۔ آیت اللہ خامنہ ای نے اس بات پر بھی زور دیا کہ قوم نے ریلیوں میں شرکت کے ذریعے اسلامی اسٹیبلشمنٹ کے لیے اپنی مکمل حمایت کا پیغام پہنچایا۔