Raza Musani 
غزہ : اقوام متحدہ کے ادارے انروا کے مطابق غزہ میں خوراک اور پانی کا بحران شدت اختیار کرگیا ہے۔ اقوام متحدہ کے ادارہ برائے امداد و بحالی انروا نے اسرائیلی حکومت سے غزہ میں ایندھن کی ترسیل کا مطالبہ کیا ہے۔ انروا کے مطابق غزہ میں واٹر فلٹرز پلانٹ ایندھن کی عدم دستیابی کی وجہ سے بند ہوگئے ہیں جس کی وجہ سے لاکھوں افراد شدید متاثر ہیں خاص کرکے رفح کے دس لاکھ سے زائد دربدر افراد کے لیے غذائی امداد اور پانی کی اشد ضرورت ہے۔ اسپتالوں میں بھی ادویات کی شدید قلت ہے۔
دوسری طرف اسرائیلی فوج کی رفح اور غزہ میں کارروائیاں جاری ہیں جس میں مزید 47 افراد شہید ہوگئے ہیں۔ فلسطینی وزارت صحت کے مطابق غزہ میں تقریباً تمام اسپتال غیر فعال ہوگئے ہیں۔
