Raza Musani 
کوئٹہ : پاکستان کے سیلاب متاثرین کے لئے ایران کی جانب سے امداد کی پہلی کھیپ پاکستانی حکام کےحوالے کر دی گئی۔ امداد کی پہلی کھیپ زمینی راستے سے پاکستان پہنچی اور ریمدان گبد سرحدی گزرگاہ پر پاکستانی ریڈ کریسنٹ کے عہدے داروں کے حوالے کر دی۔ یہ امدادی کھیب بلوچستان کے عوام کے لئےارسال کی گئی ہے جہاں سیلاب نے بڑے پیمانے پر تباہی مچائی ہے۔ ایرانی وفد نے ایرانی حکومت و عوام کی جانب سے ایک تعزیتی پیغام بھی پاکستانی عہدے داروں کے حوالے کیا۔ پاکستانی ریڈ کریسنٹ کے سیکریٹری جنرل ایوب خان نے بتایا کہ ایران کی ارسال کردہ اس کھیپ میں ٹینٹ، کمبل اور دیگر لازمی وسائل و اسباب موجود ہیں جنہیں صوبے بلوچستان کے مختلف علاقوں میں متاثرین کے درمیان تقسیم کیا جائے گا۔
