سوات میں لگی آگ سب کے دامن تک پہنچ سکتی ہے، وزیر دفاع

اسلام آباد : پاکستان کے علاقے سوات میں دوبارہ دہشت گردی کے سر اٹھانے پر وفاقی وزرا نے بھی تشویش کا اظہار کردیا۔ وزیردفاع خواجہ آصف نے قومی اسمبلی میں اظہار خیال کرتے ہوئے کہا کہ سوات میں 13سال بعد وہی سلسلہ شروع ہوگیاہے ، وہاں لگی آگ مجھ سمیت سب کے دامن تک پہنچ سکتی ہے، ایشوز کے حل کے لیے ہمیں سر جوڑ کر بیٹھنا چاہیے۔ معاملات کوسیاسی طریقے سے حل نہ کیاجائے تو مشکلات پیداہوجاتی ہیں، رستے ہوئے زخموں کو نظر انداز کرنا نقصان دہ ہے۔وفاقی وزیر شیری رحمٰن نے کہا کہ پاکستان میں القاعدہ کا خاتمہ ہوا، اب کالعدم ٹی ٹی پی سر اٹھا رہی ہے۔ مذہب کے نام پر لڑی جانی والی جنگ صرف اقتدار کی جنگ ہے، نہیں چاہتے کہ ملک میں دہشت گردی بڑھے۔آپریشن ہو رہے ہیں، جن پر ہمیں اعتماد میں لینا چاہیے۔