میدان ہمارے کنٹرول میں ہے، ریاض جھوٹ کے ذریعے اپنی شکست نہیں چھپا سکتا، انصار اللہ

صنعا: یمنی فوجی ذرائع نے سعودی جنگجوؤں کو بھاری نقصان پہنچانے کی اطلاع دیتے ہوئے کہا ہے کہ دشمن کی فتح کے تمام دعوے سراسر جھوٹ پر مبنی ہیں۔ خبر رساں ادارے تسنیم نیوز کے مطابق سعودی عرب انصار اللہ کے مقابلے میں اپنی میدانی شکستوں پر پردہ ڈالنے کے لیے میڈیا میں جھوٹا پروپیگنڈا کر رہا ہے۔ سعودی ذرائع نے گزشتہ روز بغیر کسی ثبوت کے ذباب اور المخا کے علاقوں پر کنٹرول کا دعویٰ کیا تھا، تاہم میدانی ذرائع نے بتایا ہے کہ یـمنی مسلح افواج اور عوامی کمیٹیوں نے باب المندب اور ذباب کے اضلاع کے بعض علاقوں میں سعودی اتحاد سے وابستہ کرائے کے جنگجوؤں کی پیش قدمی کو ناکام بنا دیا ہے۔ ان جنگجوؤں کو سعودی عرب کی شدید فضائی بمباری کی حمایت حاصل تھی۔
ایک یمنی فوجی ذریعے نے خبر رساں ایجنسی سبا سے گفتگو کرتے ہوئے کہا کہ جارح دشمن سے وابستہ ذرائع ابلاغ کی جانب سے جاری کی جانے والی تمام رپورٹیں جھوٹی اور بے بنیاد ہیں اور کوئی سمجھ دار شخص ان پر توجہ نہیں دیتا۔ اس ذریعے نے زور دے کر کہا کہ صنعا کی افواج باب المندب، ذباب اور باب المندب کی تزویراتی آبنائے پر نظر رکھنے والے کہبوب پہاڑوں میں اپنی پوزیشنوں پر بدستور موجود ہیں۔ ذرائع نے کہا کہ سعودی صہیونی میڈیا مشین اور اس کے حامیوں کی جانب سے جن فتوحات کا پروپیگنڈا کیا جا رہا ہے، وہ مکمل طور پر جھوٹا ہے اور حقیقت میں اس کی کوئی بنیاد نہیں مذکورہ ذریعے نے مزید کہا کہ یمنی فوج نے ذباب کے علاقے میں دراندازی کی کوشش کرنے والے سعودی کرائے کے جنگجوؤں کا مقابلہ کیا اور انہیں فرار ہونے پر مجبور کر دیا۔ ہمارے مجاہدین نے رأس العارہ میں بھی کرائے کے جنگجوؤں کے ٹھکانوں کو نشانہ بنایا، جس کے نتیجے میں انہیں جانی و سازوسامانی کے شعبے میں بھاری نقصان پہنچا۔ اس ذریعے کے مطابق، یمنی مسلح افواج نے پیر کو 20 سے زائد حملوں کے ذریعے، جن میں میزائل اور ڈرون حملے بھی شامل تھے، رأس العارہ اور السقیہ کے درمیان سعودی دشمن اور اس کے جنگجوؤں کے اجتماع کے مراکز کو نشانہ بنایا۔ مذکورہ ذریعے نے بتایا کہ ان حملوں میں دشمن کے درجنوں عناصر ہلاک یا زخمی ہوئے جبکہ ان کا بڑی تعداد میں فوجی سازوسامان بھی تباہ کر دیا گیا۔ یـمنی فوج دشمن کے عناصر اور اس کے کرائے کے جنگجوؤں کو نشانہ بنانے کا سلسلہ جاری رکھے گی۔ سعودی قیادت میں قائم جارح اتحاد کے ذرائع ابلاغ کی جانب سے بارہا پھیلائی جانے والی جعلی خبریں صرف ان کی شکست اور اپنے ناظرین کو خیالی فتوحات کا تاثر دینے کی کوشش کی عکاسی کرتی ہیں۔