Raza Musani 
صنعا: یمن میں لڑائی میں مزید شدت آگئی ہے جہاں سعودی عرب کی حمایت یافتہ حکومتی فورسز نے صوبہ تعز میں پیش رفت کا دعویٰ کرتے ہوئے کہا ہے اس کی فورسز نے المخا شہر اور آبنائے باب المندب کے قریب بعض مقامات کا کنٹرول حاصل کر لیا ہے۔دوسری جانب انصار اللہ نے بھی سعودی عرب کے اندر نئے حملوں کا اعلان کیا ہے.
انصار اللہ کے سیاسی بیورو کے رکن حزام الاسد نے بی بی سی کو بتایا کہ سعودی نواز جنگجوؤں کی تعز میں پیشرفت سے متعلق اطلاعات غلط ہیں۔ تعز صوبے کے المعافر اور المواسط اضلاع سے سعودی نواز جنگجوؤں کو پسپا کر دیا ہے۔ سعودی اتحاد نے انصار اللہ کے خلاف اپنی فضائی اور بحری کارروائیوں میں بھی توسیع کی ہے۔ اتحاد کا کہنا ہے کہ اس نے بحیرۂ احمر کے ساحلی شہر الحدیدہ میں انصار اللہ کے فوجی ٹھکانوں کو نشانہ بنایا۔ اتحاد نے مزید دعویٰ کیا ہے کہ اس کی بحری افواج نے اسلحے کے گوداموں اور بارودی مواد سے بھرے گئے کشتیوں اور بحری سرنگوں کے ذخیرہ مراکز کو تباہ کیا۔
