Raza Musani 
غاصب صیہونی رژیم اسرائیل کے صدر آئزک ہرزگ نے یہ دعوی کرتے ہوئے کہ ہم نے جنگ غزه کے دوران کئی ایک کامیابیاں حاصل کی ہیں، اعلان کیا ہے کہ اسرائیلی قیدیوں کی رہائی کے بغیر گزرنے والا ہر ایک دن اسرائیل کے لئے بدترین شکست کے مترادف ہے۔ آئزک ہرزگ نے زور دیتے ہوئے کہا کہ ہمیں ہر طریقے اور ہر ہتھکنڈے کو استعمال میں لاتے ہوئے اسرائیلی یرغمالیوں (قیدیوں) کو جلد از جلد گھر واپس پہنچانا چاہیئے۔
واضح رہے کہ غاصب و سفاک صیہونی رژیم غزہ میں موجود آدھے سے زائد قیدیوں کو خود ہی اپنی وحشیانہ بمباری میں مار ڈال چکی ہے جبکہ فلسطینی مزاحمتی فورسز القسام بریگیڈ کے ترجمان نے گذشتہ روز بھی اسرائیلی حملوں میں مزید 1 اسرائیلی قیدی کے مارے جانے کی خبر دی تھی۔
