عوام کے اتحاد سے دشمن ٹوٹ پھوٹ کا شکار ہو گیا، ولی امر مسلمین

تہران : ولی امر مسلمین آیت اللہ سید مجتبیٰ حسینی خامنہ ای نے کہاہےکہ ہم وطنوں کے وحدت کے نتیجے میں دشمن ٹوٹ پھوٹ کا شکار ہو گیا اور اس کے منصوبوں میں دراڑ ڈال دی۔ سوشل میڈیا بیان میں آیت اللہ سید مجتبیٰ حسینی خامنہ ای نے کہا کہ عوام کے درمیان پیدا ہونے والی غیر معمولی یکجہتی نے دشمن کو واضح نقصان پہنچایا ہے۔ ایرانی عوام کا غیر معمولی اتحاد دشمن کے منصوبوں کو ناکام بنا رہا ہے۔ ولی امر مسلمین نے اس صورتحال کو خدائی نعمت قرار دیتے ہوئے کہا کہ عملی اقدامات کے ذریعے اس پر شکر ادا کرنا ضروری ہے۔ ان کے مطابق ایسے اقدامات قومی اتحاد کو مزید مضبوط اور مستحکم بنا سکتے ہیں۔ انہوں نے خبردار کیا کہ دشمن میڈیا کے ذریعے نفسیاتی جنگ جاری رکھے ہوئے ہے تاکہ عوام کے ذہنوں کو متاثر کیا جا سکے۔ آیت اللہ خامنہ ای نے کہا کہ اس مہم کا مقصد قومی سلامتی اور اتحاد کو کمزور کرنا ہے۔ انہوں نے عوام پر زور دیا کہ وہ غفلت سے بچیں تاکہ دشمن اپنے عزائم میں کامیاب نہ ہو سکے۔ ان کا کہنا تھا کہ مضبوط قومی اتحاد ہی ایران کی طاقت اور دشمن کی کمزوری کا سبب بنے گا۔