Raza Musani 
لندن : ڈیلی میل پر برطانوی عدالت میں ہرجانے کا مقدمہ پاکستانی وزیراعظم شہباز شریف کےگلے پڑگیا۔ برطانوی اخبار نے الزام لگایا تھا کہ شہباز شریف نے زلزلہ متاثرین کے 15 لاکھ پائونڈ میں سے 10لاکھ اپنے داماد علی عمران کو دے دئے تھے۔ جس پر شہباز شریف نے دوسال قبل برطانوی عدالت میں ہتک عزت کا مقدمہ دائر کردیا۔ لیکن وہ اور ان کے داماد ڈیلی میل کےدفاع کا جواب نہیں دے سکے ہرجانہ کیس مختلف ہتھکنڈوں کے باعث دو سال تاخیر کاشکار رہا۔ شہبازشریف کے وکلاء نے برطانوی عدالت سے مزید وقت مانگا تھا، جس پر عدالت نے شہباز شریف کو مزید وقت دینے سے انکار کردیا۔ جسٹس میتھیو نیکلن نے کہاکہ ان کی عدالت میں وزیراعظم اور عام آدمی برابر ہیں۔ تیرہ دسمبر تک ہر صورت جواب دیا جائے۔ عدالتی نوٹس کا جواب نہ دینے کی صورت میں شہبازشریف کو ڈیلی میل کے عدالتی اخراجات ادا کرنا ہوں گے۔
