Raza Musani 
غزہ : صیہونی فوج نے الشفا ہسپتال پر چڑھائی کے دوران بدترین دہشت گردی کا مظاہرہ کیا۔ احاطے میں کئی افراد کو گولیاں مار کر شہید اور زخمی کردیا۔ صیہونی فوج یرغمالیوں کی موجودگی اور حماس کے خلاف آپریشن کے نام پر الشفا اسپتال میں گھس گئی۔ اسپتال عملے کا کہنا ہے کہ فوجیوں نے سرجیکل اور ایمرجنسی شعبے کے ساتھ ساتھ تہہ خانوں کی بھی تلاشی لی۔ عملے سے بھی پوچھ گچھ کی گئی۔ فوجیوں نے اسپتال میں پناہ لینے والوں پر وحشیانہ تشدد کیا اور 200 سے زائد بے گھر، بیمار اور زخمی افراد کو گرفتار کیا، جبکہ احاطے میں گولیاں بھی چلائیں جس سے کئی شہادتیں ہوئی ہیں۔
الشفا اسپتال پر چڑھائی سے پہلے صیہونی وزیراعظم نیتن یاہو نے امریکی صدر جو بائیڈن کو ٹیلی فون کرکے اپنے عزائم سے آگاہ کیا۔ صیہونی فوج نے اسپتال سے اسلحہ ملنے کا دعویٰ کیا ہے جسے حماس نے جھوٹ قرار دیا ہے۔
