Raza Musani 
غزہ: غزہ کے علاقے شجاعیہ میں صیہونی فوج کا وحشیانہ آپریشن جاری ہے۔ فضائی حملے اور گولہ باری سے درجنوں عمارتیں ملبے کا ڈھیر بن گئیں۔ حملوں میں پندرہ فلسطینی شہید اور کئی زخمی ہوگئے۔
مزاحمت کاروں اور صیہونی فوجیوں میں دو بدو لڑائی۔ شجاعیہ کی گلیاں میدان جنگ بن گئیں۔ جمعرات کو نئی لڑائی شروع ہونے کے بعد 60 سے 80 ہزار افراد بے گھر ہو گئےہیں اورفوج نے انخلا کے احکامات جاری کیے تھے۔ القسام بریگیڈ نے دو ٹینک اور بکتربند گاڑیاں تباہ کردیں۔ کئی صیہونی فوجی ہلاک و زخمی ہوئے۔ صیہونی فوج نے نور شمس کیمپ پر بھی حملہ کیا جہاں تین فلسطینی جان سے گئے۔ غزہ میں شہداء کی مجموعی تعداد 37 ہزار آٹھ سو ستتر تک پہنچ گئی ہے۔
