لبنان پر صیہونی فوج کے حملے، شہدا کی تعداد 492 ہوگئی، 1645 زخمی

بیروت : لبنان پر صیہونی فوج کے حملے جاری ہیں شہدا کی تعداد چار سو بانوے ہوگئی، جبکہ 1645 افراد زخمی ہیں۔ غاصب اسرائیلی جنگی طیاروں نے اسپتال۔ ایمبولینسوں اور شہری آبادیوں کو نشانہ بنایا۔ اسرائیل نے لبنان میں تین سو سے زائد مقامات پر حملے اور حزب اللہ کے سینئر کمانڈر علی کرکی کو شہید کرنے کا دعویٰ کیا جس کی حزب اللہ نے تردید کردی۔ حزب اللہ نے اسرائیل پر جوابی حملے کئے۔ حیفہ میں دو اسرائیلی اڈوں پر درجنوں راکٹ داغے گئے۔ شمالی اور جنوبی اسرائیل اور مقبوضہ مغربی کنارے پر جنگی سائرن گونج اُٹھے۔ اسرائیلی فوج نے حملے کی تصدیق کرتے ہوئے کہاکہ لبنان سے کارمل، بالائی، زیریں اور وسطی گلیلی کی طرف پینتیس راکٹس داغے گئے۔