Raza Musani 
تل ابیب: اسرائیل میں عدالتی بالادستی ختم کرنے کیخلاف مسلسل چھٹے ہفتے بھی ہزاروں افراد نے ریلیاں نکالیں۔دارلحکومت تل ابیب میں وزیر اعظم بنیامین نیتن یاہو کی نام نہاد قانونی اصلاحات کے خلاف ہزاروں افراد نے مارچ کیا۔سخت سردی کے باوجود ہزاروں افراد نے ساحلی شہر کی سڑکوں پر مارچ کیا ۔مظاہرین نے بینر اٹھا رکھے تھے کہ کوئی بھی قانون سے بالاتر نہیں ہے۔ اسرائیلی میڈیا نے مظاہرین کی تعداد 50 سے 70 ہزار بتائی ہے۔ اسی طرح کے احتجاجی مظاہرے مقبوضہ شہر القدس میں نیتن یاہو کی رہائش گاہ کے باہر اور بندرگاہی شہر حیفہ میں بھی کیے گئے۔ مظاہین نے کہاکہ حکومت عدالتی بالا دستی کا خاتمہ چاہتی ہے۔ تاکہ وزیر اعظم نیتن یاہو کے خلاف کرپشن کے مقدمات کا ٹرائل رکوا سکے اور بعض کابینہ ارکان کی سزائیں ختم کرانے کے لیے راہ ہموار کر سکے۔
