Raza Musani 
واشنگٹن: دو روز سے جاری جارحیت کے بعد امریکی حکام پھر مذاکرات کی باتیں کرنے لگے۔ امریکی حکام نے دعویٰ کیا ہے کہ ایران کے ساتھ تکنیکی سطح کے مذاکرات جاری ہیں۔ امریکا ایران کے ساتھ مسائل کے حل کے لیے پرعزم ہے۔ امریکا میڈیا کے مطابق ایک امریکی عہدیدار نے بتایا کہ دونوں ممالک کے درمیان مفاہمتی یادداشت کارکردگی سے مشروط ہے اور ایران نے اس پر قابلِ قبول انداز میں عمل نہیں کیا۔ انہوں نے ایرانی حملوں کو تجارتی جہازوں کے خلاف دہشت گردی قرار دیا۔ امریکی عہدیدار نے کہا کہ تنازع کا سفارتی حل اب بھی امریکا کی ترجیح ہے، تاہم ایران کے اقدامات ناقابلِ قبول قرار دیے گئے ہیں۔ امریکی حکام کے مطابق ایران کے ساتھ "تکنیکی مذاکرات” جاری رہیں گے اور تنازع کا حل مذاکرات کے ذریعے تلاش کرنے کی کوشش کی جائے گی۔
