Raza Musani 
خرطوم : سوڈان میں احتجاجی مظاہروں کے بعد فوجی قیادت سے پاور شیئرنگ کا معاہدہ کرنے والے وزیر اعظم عبداللّٰہ حمدوک کواستعفیٰ دینا پڑگیا۔عبداللّٰہ حمدوک نے کہا کہ ملک کو تباہی کی جانب جانے سے روکنے کی ہر ممکن کوشش کی تھی لیکن اتفاق رائے تک پہنچنے کے لیے جو کچھ بھی کیا گیا، اس کے باوجود ایسا نہیں ہوا۔ سوڈان میں جمہوریت کی بحالی کیلئے مکمل روڈ میپ اور نیشنل چارٹر تیار کرنے کی ضرورت ہے۔ سوڈان میں فوجی بغاوت کے بعد کئی ہفتے سیکیورٹی فورسز کی حراست میں رہنے والے سوڈانی وزیراعظم اقتدار میں شراکت کے معاہدے پر دستخط کے بعد وزیراعظم کے عہدے پر بحال ہوئے تھے۔ عوام کی جانب سے مکمل سیاسی حکومت کے قیام اور معاہدے کے خلاف پرتشدد احتجاج کا سلسلہ کئی روز سےجاری تھا۔
