Raza Musani 
لندن: ویانا کی بین الاقوامی تنظیموں میں ایران کے مستقل مشن کے نائب سربراہ محمد رضا غائبی نے عالمی جوہری ادارے کے ڈائریکٹر جنرل کی جوہری معاہدے کے نفاذ پر حالیہ رپورٹ سے متعلق بعض غیر ملکی میڈیا کی خبروں کو غلط اور جانبدارنہ قرار دے دیا۔ انہوں نے کہا کہ یہ تکنیکی اپ ڈیٹ رپورٹ ہے، جس میں اراکین کو تازہ ترین پیشرفت کے ساتھ ساتھ جوہری سرگرمیوں سے متعلق نئی تکنیکی معلومات سے آگاہ کیا گیا ہے۔ رپورٹ میں کہا گیا ہے کہ ایران کی جانب سے 19 جنوری کو آئی اے ای اے کو مطلع کرنے کے بعد، کہ وہ کرج کے بجائے اصفہان میں ایک نئے مقام پر سینٹری فیوج روٹر پائپ تیار کرنے کا ارادہ رکھتا ہے۔آئی اے ای اے کے معائنہ کاروں نے کرج میں ضروری انتظامات کیے، نگرانی کے کیمروں کو ختم کر دیا، اور سائٹ پر سینٹری فیوج روٹر ٹیوبوں کی پیداوار کو روک دیا۔
