شکارپور: مشی کے جرم میں درج مقدمہ خارج، تمام عزادار باعزت بری

شکار پور: چہلم امام حسینؑ کے موقع پر تعلقہ لکی غلام شاہ ضلع شکارپور چک میں جلوس اربعین میں پیدل شریک ہونے والے عزاداروں پر ریاستی مدعیت میں درج ایف آئی آر میں نامزد تمام عزادار باعزت بری کردیئے گئے۔ سول جج نے کیس خارج کردیا۔ تمام عزاداروں اور ان کے اہل خانہ سمیت مومنین شکار پور نے مجلس وحدت مسلمین ضلع شکارپور کے صدر اصغر علی سیٹھار کا خصوصی شکریہ ادا کیا جن کی مسلسل جدوجہد اور کوششوں سے عدالت نے ان تمام عزاداروں کو باعزت بری قرار دیا ہے ۔واضح رہے کہ ان تمام عزاداروں کو فقط چہلم امام حسینؑ کے موقع پر پیدل سفر کرکے جلوس میں شریک ہونے کے جرم میں بنیادی شہری وآئینی آزادی کے برخلاف مقدمے میں نامزد کیا گیا تھا۔