Raza Musani 
کابل : افغانستان کی شیعہ علماء کونسل نے طالبان کی عبوری حکومت کے ساتھ تعاون اور حکومت میں شیعہ مسلمانوں کی شمولیت پر زور دیا ہے۔ کونسل کے نائـب سربراہ سید حسین عالمی بلخی نے کہا ہے کہ شیعہ علما اور مسلمان طالبان کے ساتھ تعاون کرنا چاہتے ہیں کیونکہ تشدد ملک کے مفاد میں نہیں۔ انھوں نے افغانستان میں امن و انصاف کے قیام کی ضرورت پر زور دیا اور کہا کہ وہ افغانستان میں امداد کی منصفانہ تقسیم کے خواہاں ہیں۔ انھوں نے افغان عوام کے مسائل و مشکلات کی طرف اشارہ کرتے ہوئے امریکا و یورپ کی پالیسیوں پر شدید تنقید بھی کی۔
