Raza Musani 
مکہ : سعودی عرب میں ایک مرتبہ پھر کورونا کیسز میں اضافہ ہونے لگا۔ وبا کا پھیلاؤ روکنے کےلیے حرمین شریفین انتظامیہ نے تمام زائرین کےلیے ماسک کی پابندی لازمی قرار دیدی اور سماجی فاصلوں پر عملدرآمد کی بھی ہدایت کی وزارت داخلہ کاکہنا ہے ماسک نہ پہننے والوں کو جرمانہ کی سزا ہوگی۔ مسجد الحرام اورمسجد نبوی میں سماجی فاصلے کے نشان دوبارہ لگا دئیے گئے۔ انتظامیہ کا کہنا ہے نمازیوں اور زائرین کو سماجی فاصلے پرعملدر آمد کرنا ہوگا۔ دونوں مقدس مساجد میں سماجی فاصلے کیلئے اسٹیکرز چسپاں کئے جارہے ہیں۔بینگ،کلپس، بند یا کھلے مقامات پر تقریبات اور دیگر سرگرمیوں کی انجام دہی کے دوران ماسک لگانے اور سماجی فاصلہ رکھنے کی پابندی دوبارہ سے عائد کر دی گئی۔ ایک جانب تو عبادات کیلئے پابندیاں لگائی جارہی ہیں تو دوسری جانب سال نو کے جشن کی تیاریاں بھی جاری ہیں۔ 31دسمبر کی رات ریاض میں خصوصی کنسرٹ ہو گا ۔ جس میں سعودی عرب سمیت دیگر ممالک سے گلوکار شرکت کریں گے۔ لیکن کنسرٹ کیلئے سماجی پابندیوں کی شرط نہیں رکھی گئی ہے۔
