Raza Musani 
نیویارک : سعودی عرب نے فلسطینی ریاست کے قیام کے لیے بین الاقوامی اتحاد کا اعلان کر دیا۔نیویارک میں وزراء کے غزہ سےمتعلق اجلاس میں سعودی وزیرِ خارجہ شہزادہ فیصل بن فرحان نے کہا کہ فلسطینی ریاست کے قیام کا اتحاد یورپ اور عرب ممالک کی کوششوں کا مشترکہ نتیجہ ہے۔ عرب نیوز کے مطابق سعودی وزیر خارجہ نے کہا کہ ایجنڈا اس یقین پر مبنی ہے کہ مستقل حل فلسطینی ریاست کے قیام سے ہی ممکن ہے۔ہم جو کچھ کرنے کی کوشش کر رہے ہیں وہ ایک ایسا اتحاد بنانا ہے جس کا مقصد دو ریاستی حل کا نفاذ ہے اور اس کے لیے بعض دیگر عناصر کی ضرورت ہے۔ انہوں نے کہا کہ مملکت اور اتحادی اس منصوبے کے ایک حصے کے طور پر ریاض، برسلز، قاہرہ، اوسلو، عمان اور انقرہ میں اعلٰی سطح پر اجلاس منعقد کریں گے۔ ان کا کہنا تھا کہ میں یہ سمجھنے سے قاصر ہوں کہ جنگ جاری رکھنا کیسے واحد آپشن ہو سکتا ہے۔ دیگر آپشنز بھی ہونے چاہییں اور جنگ بندی اور سفارت کاری کے لیے اپنے مطالبے کو دہراؤں گا۔ انہوں نے کہ اتحاد اس مسئلے کے حل کے لیے کام کی کوشش کر رہا ہے اور مملکت کی توجہ فلسطینی ریاست کا قیام ہے۔
