Raza Musani 
ریاض : سعودی عرب کی اپیل کورٹ نے 2بحرینی نوجوانوں کی سزائے موت کی توثیق کر دی۔ جعفر سلطان اور صادق ثامر کو 2015 میں بحرین کو سعودی عرب سے جوڑنے والے پل ملک فہد کو بم سے اڑانے کے الزام میں موت کی سزا سنائی گئی تھی۔ نوجوانوں نے اپنے اوپر عائد الزامات کو یکسر مسترد کیا ہے۔ ان کا کہنا ہے کہ ان پر یہ سنگین الزامات سیاسی محرکات کی بنیاد پر لگائے گئے ہیں۔ ملزمان کے پاس عدالت عظمیٰ میں سزا کیخلاف اپیل کیلئے ایک ماہ کا وقت ہے۔ انسانی حقوق کی تنظیموں نے کہا ہے کہ دونوں نوجوانوں سے شدید ٹارچر اور جسمانی ایذا رسانیوں کے ذریعے سعودی عرب کے سیکیورٹی اہلکاروں نے اعتراف لیا ہے۔
