سعودی عرب نے کئی درجن مظلوم افراد کو قتل کرکے اپنے بھیانک اور مکروہ چہرے کو ایک بار پھر نمایاں کردیا، حزب اللہ

بیروت : حزب اللہ نے سعودی عرب میں ایک دن میں 81 افراد کے سر قلم کرنے کے ہولناک جرم کی مذمت کرتے ہوئے کہا ہے کہ سعودی عرب نے درجنوں افراد کا سر قلم کرکے سنگين اور ہولناک جرم کا ارتکاب کیا ہے۔ سعودی عرب کی حکومت کے ماضی کے بہیمانہ اور سنگین جرائم میں اس ہولناک جرم کا بھی اضافہ ہوگیا ہے۔ حزب اللہ نے کہا ہے کہ سعودی عرب نے کئی درجن مظلوم اور بے دفاع افراد کو قتل کرکے اپنے بھیانک اور مکروہ چہرے کو دنیا کے سامنے ایک بار پھر نمایاں کردیا ہے۔ حزب اللہ کا کہنا ہے کہ سعودی عرب کی امریکہ و اسرائیل نواز ظالم و جابر حکومت اسلام کا لبادہ اوڑھ کر امریکہ اور اسرائیل کی خدمت کررہی ہے۔ حزب اللہ کا کہنا ہے کہ سعودی عرب کو اپنے سنگين اور ظالمانہ جرائم کا تاوان ادا کرنا پڑے گا۔