Raza Musani 
سمر قند : ازبکستان کے دارلحکومت سمر قند میں شنگھائی تعاون تنظیم سربراہ اجلاس کے موقع پر وزیراعظم شہباز شریف نے روسی صدر ولادیمیر پیوٹن اور ترک صدر طیب اردوان سے ملاقات کی۔ اس موقع پر رہنماؤں نے علاقائی اور بین الاقوامی مسائل سمیت باہمی مفاد اور دو طرفہ تعاون کے تمام پہلوؤں پر بات چیت کی۔ روسی صدر ولادیمیر پیوٹن نے پاکستان کے ساتھ ریلوے اور توانائی کے شعبوں میں تعاون بڑھانے کی ضرورت پر زور دیا ہے اور پاکستان کو بذریعہ پائپ لائن گیس کی فراہمی پر آمادگی ظاہر کی۔ انہوں نے کہا کہ پاکستان کو گیس سپلائی روس، قازقستان اور ازبکستان کے پہلے سے بنے انفرااسٹرکچر سے ممکن ہے۔انہوں نے کہا کہ پاکستان کو جنوبی ایشیا میں روس کے اہم شراکت دار کے طور پر دیکھتے ہیں اور وقت کے ساتھ پاک روس تعلقات مثبت انداز میں آگے بڑھ رہے ہیں۔شہبازشریف نے ترکیہ کے صدر طیب اردوان سے بھی ملاقات کی۔ اس ملاقات میں روس سے بذریعہ پائپ لائن پاکستان کو گیس فراہمی کے مجوزہ منصوبے پر کام کرنے پراتفاق کیاگیا۔ دوطرفہ تجارت کے فروغ، گیس کی فراہمی سمیت لارج اسکیل منصوبوں کے امکانات اور عملدرآمد پر بھی اتفاق کیا گیا۔ ترک صدر کا کہنا تھا کہ ہم جنوب مشرقی ایشیا اور مجموعی طور پر ایشیا میں پاکستان کو اپنا ترجیحی شراکت دار تصور کرتے ہیں۔ دونوں ممالک کے درمیان نہایت مثبت انداز میں تعلقات فروغ پا رہے ہیں جس پر ہمیں بے حد خوشی ہے۔
