Raza Musani 
واشنگٹن : امریکا نے ایک بار پھر واویلا کیا ہے کہ روس کسی بھی وقت حملہ کر سکتا ہے اور اس کے لیے کوئی بھی چال چل سکتا ہے۔ نیٹو ممالک کے ایک ایک انچ کا دفاع کیا جائے گا۔ روس کے ایک لاکھ سے زیادہ سے فوجی یوکرین کی سرحد کے قریب تعینات ہیں تاہم روس نے کہا تھا کہ اس کا یوکرین پر حملے کا ارادہ نہیں۔ روس یوکرین کشیدگی میں کمی کے لیے عالمی رہنماؤں کی کوششیں تیز ہوگئی ہیں۔ جرمنی کے چانسلر اولف شولز ماسکو جانے سے قبل یوکرین کے دارالحکومت کیف میں موجود ہیں۔ جرمن چانسلر اولف شولز دونوں ممالک کے درمیان کشیدگی میں کمی کے لیے کوشاں ہیں۔ روس اور یوکرین کے درمیان کشیدگی میں کمی کے لیے برطانیہ کے وزیراعظم بورس جانسن عالمی رہنماؤں کے ساتھ بات چیت کریں گے۔ برطانوی وزیراعظم کا یہ بیان ایسے وقت میں سامنے آیا ہے جب ان کے وزیر دفاع نے تجویز کیا کہ کچھ ممالک ماسکو کے خلاف مضبوط موقف نہیں اپنا رہے۔ وزیراعظم بورس جانسن کے ترجمان کے مطابق یوکرین کی سرحد پر بحران نازک موڑ پر پہنچ گیا ہے۔
