سعودی عرب سے تعلقات کی بحالی، ترکی کی خاشقجی قتل کیس سعودی عرب منتقل کرنے کی کوشش

انقرہ : ترکی نے سعودی عرب سے تعلقات کی بحالی کیلئے صحافی جمال خاشقجی کے قتل کا کیس سعودی عرب منتقل کرنے کوشش شروع کردی۔ ترک پراسیکیوٹر نے کیس منتقل کرنے کی باضابطہ درخواست کردی۔ وزیر انصاف نے کہا ہے کہ وزارت انصاف پراسیکیوٹر کی درخواست پر مثبت رائے دے گی۔ یہ معاملہ ایسے وقت سامنے آیا ہے جب انقرہ، ریاض کے ساتھ تعلقات کو بہتر کرنے کی کوشش کررہا ہے، ترکی کی عدالت میں مقدمے کی اگلی سماعت 7 اپریل کو ہونا ہے۔ترک پراسیکیوٹر نے گزشتہ روز 26 سعودی مشتبہ افراد کے مقدمے کی سماعت روکنے اور اسے سعودی عرب منتقل کرنے کی درخواست کی تھی۔ جمال خاشقجی کو 2018 میں استنبول کے سعودی قونصل خانے میں قتل کر دیا گیا تھا۔