Raza Musani 
تہران : افغانستان میں حالیہ تبدیلیوں کے بعد افغان پناہ گزینوں کی ایران آمد میں ریکارڈ اضافہ ہوا۔ غنی حکومت کے سقوط اور طالبان حکومت کے خلاف یورپ و امریکا کی سخت گیر پالیسیوں کے ساتھ ہی افغان عوام کے مسائل و مشکلات بڑھنا شروع ہو گئیں جن سے نجات کیلئے افغان عوام نے ایران کا رخ کرلیا ہے۔ طالبان حکومت کی تشکیل کے بعد 10 لاکھ سے زائد افغان شہری ایران میں داخل ہوئے۔ افغان عوام کا کہنا ہے کہ بھوک و افلاس اور اپنی جان بچانے کے لئے اس وقت بہترین انتخاب ایران ہے۔ خاص طور سے ایسی صورت میں کہ افغانستان میں زندگی بسر کرنا ناممکن ہو گیا ہے۔
