Raza Musani 
واشنگٹن : قطری وزیراعظم شیخ محمد بن عبدالرحمٰن آل ثانی ایران اور امریکا کے درمیان کشیدگی میں کمی اور تنازع کے خاتمے کیلئے ایک بار پھر سرگرم ہوگئے ہیں۔
قطری وزیراعظم شیخ محمد بن عبدالرحمٰن آل ثانی نے میامی میں امریکی وزیر خارجہ مارکو روبیو اور خصوصی ایلچی اسٹیو وٹکوف سے ملاقات کی۔ جس میں ایران جنگ کے خاتمے کے لیے ڈیل تک پہنچنے کی کوششوں پر تبادلہ خیال کیا گیا۔ شیخ محمد بن عبدالرحمٰن نے تمام فریقین سے مذاکراتی عمل میں شامل ہونے پر زور دیا۔
اس سے پہلے قطری وزیراعظم نے امریکی نائب صدر جے ڈی وینس سے ملاقات کرکے مشرق وسطیٰ کی صورتحال اور کشیدگی کم کرنے کی کوششوں پر گفتگو کی تھی۔ شیخ محمد بن عبدالرحمن آل ثانی نے سعودی وزیر خارجہ شہزادہ فیصل بن فرحان سے بھی ٹیلیفونک رابطہ کیا اور جنگ بندی کیلئے سفارتی کوششوں پر تبادلہ خیال کیا۔
