پیوٹن کی ایک بار پھر یوکرین کو جنگ بندی کی پیشکش

آستانہ : روسی صدر پیوٹن نے ایک بار پھر یوکرین کو جنگ بندی کی پیشکش کردی۔ قازقستان کے دارالحکومت آستانہ میں شنگھائی تعاون تنظیم کے سربراہ اجلاس سے خطاب میں صدر پیوٹن نے روس اور یوکرین کے درمیان ثالثی کی کوششوں پر ترک صدر رجب طیب اردوان کا شکریہ ادا کیا۔ انہوں نے کہا کہ روس نے کبھی انکار نہیں کیا اور اب وہ امن مذاکرات جاری رکھنے کے لیے تیار ہے۔ پیوٹن نے کہا کہ یہ یوکرین تھا جس نے لندن سے براہ راست ہدایات پر مذاکرات سے انکار کیا۔ جس کا مطلب ہے کہ اس میں کوئی شک نہیں کہ اس نے یہ کام واشنگٹن کی درخواست پر کیا۔ پیوٹن نے کہا کہ استنبول معاہدہ ابھی بھی برقرار ہے اور یہ یوکرین کے ساتھ امن مذاکرات کی بنیاد بن سکتا ہے۔
واضح رہے کہ مارچ 2022 میں ماسکو اور کیف نے استنبول میں مذاکرات کا ایک سلسلہ منعقد کیا تھا جس کا مقصد تنازع کے خاتمے کے لیے مشترکہ بنیاد تلاش کرنا تھا۔