پی ٹی آئی کے کارکنان ایک روزہ جوڈیشل ریمانڈ پر جیل منتقل

لاہور : زمان پارک سے گرفتار پی ٹی آئی کے 102 کارکنان کو ایک روزہ جوڈیشل ریمانڈ پر جیل منتقل کردیا گیا۔ زمان پارک سے گرفتار پی ٹی آئی کے 102 کارکنوں کو لاہور میں جوڈیشل مجسٹریٹ کے سامنے پیش کیا گیا۔مجسٹریٹ نے تمام کارکنوں کو ایک روز کے جوڈیشل ریمانڈ پر جیل بھیجنے کا حکم دے دیا۔ عدالت نے حکم دیا کہ تمام کارکنوں کو کل انسدادِ دہشت گردی عدالت میں پیش کیا جائے۔ لاہور پولیس نے زمان پارک میں ہنگامہ آرائی کا پی ٹی آئی کارکنوں کیخلاف ایک اور مقدمہ درج کر لیا۔۔مقدمہ پولیس کی مدعیت میں درج کیا گیا ۔ مقدمہ دہشت گردی، اقدام قتل سمیت 13 دفعات کے تحت درج کیا گیا ہے۔ ایف آئی آر متن کے مطابق زمان پارک سے رائفلیں بھی برآمد ہوئیں، کارکنوں نے سینئر قیادت کی ایماء پر پولیس پر حملہ کیا۔