Raza Musani 
تل ابیب : اسرائیلی دارالحکومت تل ابیب میں مظاہرین ایک بار پھر سڑکوں پر نکل آئے۔ مظاہرین نے حکومت سے قیدیوں کی رہائی کیلئے معاہدے کا مطالبہ کیا اور فلسطینی نسل کشی بند کرو کے نعرے لگائے۔ احتجاج میں شامل مظاہرین نے بینرز اٹھا رکھے تھے جن پر ’ابھی ڈیل کریں، جنگ بند کریں اور ہم یرغمالیوں کو تنہا نہیں چھوڑیں گے کے نعرے درج تھے۔ جبکہ اس کے ساتھ ہی چند مظاہرین ڈرم کی آواز پر نعرے لگاتے ہوئے حکومت سے سوال کر رہے تھے یرغمالی کیوں اب تک غزہ میں ہیں۔ مظاہرین نے کہا کہ مسئلے کو حل کرنے کے لیے متعدد مواقع آئے لیکن حکومت نے ہر ایک کو تباہ کر دیا۔ ہر نئے ہفتے کے ساتھ پُرتشدد کارروائیوں کا سلسلہ بڑھتا جاتا ہے اور ہمیں کہیں بھی اس کا اختتام نظر نہیں آ رہا۔ حکومت مخالف مظاہروں میں پیش پیش رہنے والی ایک خاتون عفت کالدرون نے غزہ میں اپنی یرغمال کزن کی واپسی کا مطالبہ کرتے ہوئے وزیراعظم نیتن یاہو کو مورد الزام ٹھہرایا ہے۔
