7 اکتوبر جیسے حملے کی روک تھام امریکی منصوبے پر عمل سے ممکن ہے، پیس بورڈ ایلچی

قاہرہ : غزہ بورڈ آف پیس کے ایلچی نکولائی ملادینوف نے کہا ہےکہ سات اکتوبر جیسے واقعے کی روک تھام صرف غزہ کیلئے امریکی منصوبے پر مکمل اور مصدقہ عمل درآمد سے ہی ممکن ہوگی۔ نکولائی ملادینوف نے کہا کہ منصوبے کا بنیادی مقصد غزہ کو دوبارہ اسرائیلی سلامتی کے لیے خطرہ بننے سے روکنا ہے۔ منصوبے کے تحت اسرائیل سے فوری طور پر افواج واپس بلانے کا مطالبہ نہیں کیا جا رہا۔
انہوں نے واضح کیا کہ حماس کو غیر مسلح کرنے کے عملی اقدامات کی تصدیق تک اسرائیلی فوج کو موجودہ پوزیشنوں سے پیچھے ہٹنے کی ضرورت نہیں۔ انہوں نے کہا کہ ہتھیار جمع کرکے محفوظ کیے جانے اور ناقابلِ استعمال بنائے جانے کے بعد اسرائیلی فوج مرحلہ وار غزہ سے پیچھے ہٹے گی۔ انہوں نے کہا کہ ابتدا میں اسرائیلی فوج کو یلو لائن سے مزید اندر اپنی پوزیشنیں قائم کرنے سے روکا جائے گا۔ ہر جغرافیائی سیکٹر سے ہتھیار ہٹانے اور تصدیق کے بعد یلو لائن مزید پیچھے منتقل ہوگی۔ ان کا کہنا تھا کہ منصوبہ اسرائیل کو کسی فوری اور حقیقی خطرے کی صورت میں فوجی کارروائی سے نہیں روکے گا۔