صدر مملکت اردو یونیورسٹی میں اساتذہ کی تقرریوں میں تاخیر کے معاملے کا نوٹس لیں، آئی ایس او

کراچی : امامیہ اسٹوڈنٹس آرگنائزیشن نے مطالبہ کیا ہے کہ صدر ڈاکٹر عارف علوی جامعہ اردو عبدالحق کیمپس کے مسائل کے حل میں اپنا کردار ادا کریں، آئی ایس او کراچی ڈویژن کے انچارج برائے پروفیشنل ادارہ جات مزمل حُسین نے ایک بیان میں کہا کہ سلیکشن بورڈ کی سفارشات پر عمل کرتے ہوئے کامیاب امیدواروں کو تقرر نامے جاری کیئے جائیں، جن شعبہ جات میں تقرریوں کا عمل شروع نہیں ہوا ہے وہاں سلیکشن بورڈ کا انعقاد جلد از جلد ممکن بنایا جائے، تقرریوں کے عمل میں تاخیر سے اساتذہ کی الگ گریڈز میں ترقیوں کا عمل بری طرح متاثر ہو رہا ہے،ترقیوں میں تاخیر اساتذہ کے ساتھ زیادتی ہے،انہوں نے مزید کہا کہ ہم جامعہ اردو کے اساتذہ کے تمام مطالبات کی حمایت کرتے ہیں.