پولیس کیلی فورنیا یونیورسٹی میں فلسطین کے حامی طلباء پر ٹوٹ پڑی

کیلی فورنیا: امریکا میں پولیس کیلی فورنیا یونیورسٹی کی کیمپس میں فلسطین کے حامی طلباء پر ٹوٹ پڑی۔ کیلی فورنیا میں پولیس کئی گھنٹوں کے ڈرامے کے بعد یونیورسٹی کے کیمپس میں داخل ہو گئی تاکہ فلسطین کے حامی کیمپ کو خالی کرایا جا سکے۔ پولیس نے فلیش بینگ اور لاٹھیوں کا استعمال کیا۔ ربڑ کی گولیاں چلائیں۔ تمام رکاوٹیں ہٹا دی ہیں۔ چار سوس سے زائد طلبا کو گرفتار کر لیا ہے۔ پولیس کے ساتھ مزاحمت میں کئی طلبا زخمی ہوگئے۔ مظاہرین نے پولیس کی پیش قدمی کے ساتھ ہی "یہ پرامن احتجاج ہے” اور "شیم آن یو” جیسے نعرے لگائے۔ پولیس نے پوری طاقت کا استعمال کرکے کیمپس خالی کرالیا۔