بحرین میں عوام کا احتجاج رنگ لے آیا، صیہونی تہوار حنوقہ کی تقریبات منسوخ

مناما : بحرین میں عوام کا احتجاج رنگ لے آیا حکومت نے صیہونیوں کے تہوار حنوقہ کی تقریبات منسوخ کردیں۔ گذشتہ روز شہریوں کی بری تعداد نے دارالحکومت مناما میں مظاہرہ کر کے صیہونی حکومت اور بحرین کے تعلقات کی مذمت کی۔ فلسطینی پرچم تھامے بحرینی مظاہرین القدس اور مسجد الاقصیٰ کی حمایت میں نعرے لگا رہے تھے۔ مظاہرین نے اپنے ہاتھوں میں ایسے بینر اور پلے کارڈ بھی اٹھا رکھے تھے جن پر صہیونی دشمن کے ساتھ تعلقات کو معمول پر لانے کی مخالفت میں نعرے درج تھے۔ عوام نے مناما میں صیہونی کالونی کے قیام، صیہونیوں کی موجودگی اور صیہونیوں کے تہوار حنوقہ کی تقریبات میں اپنے ملک کے حکام کی شرکت کے خلاف بھی نعرے لگائے۔ اس مظاہرے کی وجہ سے اس تہوار کے پہلے دن کی تقریبات منسوخ ہوئیں۔