صبر جواب دے رہا ہے، معاہدہ نہ کیا تو ایران کو تباہ کردینگے، ٹرمپ کی نئی دھمکی

بیجنگ: امریکی صدر ڈونلڈ ٹرمپ نے ایک مرتبہ پھر دھمکی دیتے ہوئے کہا ہے کہ ان کے صبر کا پیمانہ لبریز ہورہا ہے۔ اگر ایران نے معاہدہ نہ کیا تو اسے مکمل تباہ کردیا جائے گا۔ فوکس نیوز کو انٹرویو میں ٹرمپ نے کہا کہ وہ ایران کے ساتھ جنگ اور اس کے بڑھتے اخراجات پر چینی صدر شی جن پنگ سے بات کر چکے ہیں۔ ایران کو جلد معاہدہ کر لینا چاہیے تاکہ مزید کشیدگی سے بچا جا سکے۔ ایرانی سرزمین سے افزودہ یورینیم واپس لینے سے متعلق سوال پر امریکی صدر کا کہنا تھا کہ افزودہ یورینیم کے خفیہ ذخیرے کو قبضے میں لینا بنیادی طور پر عوامی تاثر اور سیاسی پیغام کے لیے اہم ہو سکتا ہے لیکن عملی طور پر شاید یہ ضروری نہ ہو لیکن اگر یہ ذخیرہ امریکا کے پاس ہو تو وہ خود کو زیادہ مطمئن محسوس کریں گے۔