عزاداروں پر پرچے کاٹنے کا سلسلہ پھر شروع، خانیوال میں مقدمہ درج

میاں چنوں : محرم میں ایک بار پھر پولیس نے عزاداروں کے خلاف پرچے کاٹنے شروع کردئے ہیں۔ خانیوال کی تحصیل میاں چنوں میں مجلس عزاء کے دوران ذوالجناح باہر لانے پر 7 نامزد جبکہ 13 نامعلوم افراد کے خلاف مقدمہ درج کرلیا گیا۔ مقدمہ پولیس کی مدعیت میں درج کیا گیا۔ ایف آئی آر کے مطابق مجلس عزا کے اختتام پر ماتمداری کے لیے شبیہ ذوالجناح حضرت امام حسین علیہ السلام برآمد کرائی گئی جس کی اجازت نہیں تھی۔ امن کمیٹی کے ممبران کے روکنے کے باجود منتظمین بضد رہے۔ منتظمین کا کہنا ہے کہ پولیس نے جانبداری کا مظاہرہ کرتے ہوئے بے بنیاد مقدمہ درج کیا۔ ان مقدمات سے ہمیں عزاداری سے کوئی نہیں روک سکتا۔