Raza Musani 
تل ابیب : اسرائیلی میڈیا نے دعویٰ کیا ہے کہ پاکستانیوں کا ایک وفد اسرائیل پہنچا ہے جہاں وہ صدر اسحاق ہرزوگ سے بھی ملاقات کرےگا۔ وفد میں 9 افراد موجود ہیں جن میں 4 پاکستان میں رہتے ہیں جب کہ دیگر میں پاکستانی نژاد امریکی اور برطانوی شامل ہیں۔ نیوز چینل نے انکشاف کیا کہ پاکستانی وفد میں سابق وزیر مملکت اور ملکی کرکٹ بورڈ کے چیئرمین نسیم اشرف بھی شامل ہیں جب کہ وفد کے ہمراہ ایک پاکستانی صحافی بھی آئے ہیں تاہم انھوں نے شناخت خفیہ رکھی ہے۔اسرائیلی میڈیا کے مطابق پاکستانی وفد کا یہ دورہ ثقافت، سیاحت اور جیو پالیٹکس کے تناظر میں ہے۔ یہ پہلا وفد نہیں جس نے اسرائیل کا دورہ کیا۔ جون میں صحافی احمد قریشی کو ایک ماہ قبل اسرائیل کا دورہ کرنے پر سرکاری ٹیلی ویژن سے نکال دیا گیا تھا۔ علاوہ ازیں انڈونیشیا کے ایک اعلٰی عہدیدار بھی اسرائیل کے دورے پر ہیں۔
