Raza Musani 
تہران: پاکستان نے ایران امریکا ثالثی کی کوششیں دوبارہ شروع کردی ہیں۔ پاکستانی وزیر داخلہ محسن نقوی فیلڈ مارشل کا خط اور وزیراعظم شہبازشریف کا پیغام لیکر تہران پہنچ گئے۔ تہران میں ایرانی وزیر خارجہ عباس عراقچی سے ملاقات کی اور وزیرِاعظم شہباز شریف کا ولی امر مسلمین کیلئے خصوصی پیغام پہنچایا۔
ملاقات میں جنگ کے خاتمے کے لیے سفارتی کوششوں پر تبادلۂ خیال کیا گیا۔ ملاقات کے دوران دونوں فریقین نے تہران اور اسلام آباد کے باہمی تعلقات کا جائزہ لیا اور باہمی دلچسپی کے امور پر تبادلہ خیال کیا۔ اس سے پہلے محسن نقوی نے تہران میں ایرانی ہم منصب اسکندر مومنی سے ملاقات میں علاقائی سلامتی کی صورتحال کا جائزہ لیا گیا، باہمی دلچسپی کے امور پر بھی بات چیت کی گئی۔ وہ آج دیگر رہنماؤں سے بھی ملاقاتیں کریں گے اور مفاہمتی یادداشت تک پہنچنے کے طریقوں پر بات کریں گے۔ اسکندر مومنی سے ملاقات میں محسن نقوی نے کہا کہ وہ سپریم لیڈر مجتبیٰ خامنہ ای کے لیے فیلڈ مارشل کا خصوصی خط جبکہ وزیراعظم شہبازشریف کا پیغام لے کر تہران آئے ہیں۔ محسن نقوی اس سے پہلے بھی دو مرتبہ ایران کا دورہ کرچکے ہیں۔
