پاکستان تحریک انصاف چھوڑنے والوں کا تانتا بندھ گیا، مزید رہنما ساتھ چھوڑ گئے

اسلام آباد: پاکستان میں تحریک انصاف چھوڑنے والوں کی تانتا بندھا ہوا ہے۔ پی ٹی آئی رہنما ملیکہ بخاری نے گذشتہ روز سابق وزیراعظم عمران خان کا ساتھ چھوڑنے کا اعلان کیا۔ ملیکہ بخاری نے جیل سے رہائی کے بعد دیگر رہنماؤں کی طرح نیوز کانفرنس میں اپنے سیاسی مستقبل کا اعلان کیا۔ ان کا کہنا تھا کہ جیل کی مشکلات کا سامنا کرنا مشکل ہے۔ ان کے کچھ ہی دیر بعد جمشید چیمہ اور ان کی اہلیہ مسرت چیمہ کو بھی جیل سے رہائی ملی اور انہوں نے بھی پاکستان تحریک انصاف چھوڑنے کا اعلان کردیا۔ پی ٹی آئی کے سینیٹر عبدالقادر نے بھی تحریک نصاف سے راہیں جدا کر لیں۔ تمام رہنماؤں نے نو مئی کے واقعات کی مذمت کی اور پارٹی چھوڑنے کیلئے کسی قسم کا دباؤ نہ ہونے کا دعویٰ کیا۔ ادھر چیئرمین عمران خان نے پارٹی چھوڑنے والے مرکزی قیادت کے ارکان کی بنیادی رکنیت ختم کر دی ہے.