Raza Musani 
اسلام آباد : پاکستان نے ایران کو مذاکرات کے دوسرے دور کیلئے منانے کی کوششیں تیز کردی ہیں تاکہ جنگ کا خاتمہ ہوسکے۔ پاکستانی نیوز چینل کے مطابق پاکستان کی اعلیٰ قیادت ایرانی حکام کے ساتھ فعال رابطے میں ہے۔ پاکستان کا بنیادی مقصد کسی بھی ممکنہ تصادم کو روکنا اور ساتھ ہی اس بات کو یقینی بنانا ہے کہ جنگ بندی میں توسیع ہو سکے۔ اسلام آباد دونوں فریقین کو براہِ راست مذاکرات کیلئے بھی آمادہ کرنے کی کوشش کر رہا ہے تاکہ طویل مدتی استحکام حاصل ہو سکے۔ وزیراعظم شہباز شریف نے جنگ بندی میں توسیع کی درخواست قبول کرنے پر صدر ٹرمپ سے اظہار تشکر کیا۔ اور کہا کہ امید ہےکہ فریقین اسلام آباد میں مذاکرات کے دوسرے دور میں جامع امن ڈیل کو انجام دینے میں کامیاب ہوں گے۔
