Raza Musani 
اسلام آباد پاکستان نے بھارتی عدالت کی جانب سے کشمیری حریت رہنما یاسین ملک کو من گھڑت الزامات میں دی گئی سزا کو سختی سے مسترد کر دیا ہے۔ اسلام آباد میں متعین بھارتی ناظم الامور کو دفتر خارجہ طلب کیا گیا اور کہا گیا کہ پاکستان بھارتی طرز عمل، سنائی گئی سزا کی شدید مذمت کرتے ہوئے مسترد کرتا ہے۔ ترجمان دفتر خارجہ کا کہنا تھا کہ حریت رہنما یاسین ملک کو 2017ء کے انتہائی مشکوک، متنازع مقدمے میں سزا سنائی گئی، یاسین ملک کے خلاف ہندوستانی قومی تحقیقاتی ایجنسی نے مقدمہ دائر کیا تھا، حریت رہنما کو جھوٹے الزامات میں سزا سنائی، منصفانہ ٹرائل کا موقع نہیں دیا گیا۔ یاسین ملک کو بگڑتی صحت کے باوجود غیر انسانی قید میں ڈالا گیا، بھارت نے کشمیری قیادت کے خلاف سیاسی انتقام کے لیے عدلیہ کا غلط استعمال کیا ہے۔
