Raza Musani 
واشنگٹن : کورونا وائرس کے وبائی مرض کے پہلے سال کے دوران امریکا میں قتل کے واقعات میں 30 فیصد اضافہ ہوا، یہ رجحان شہروں اور دیہی علاقوں سمیت ہر جگہ دیکھا گیا۔ ایک رپورٹ کے مطابق ہتھیار رکھنے کے رجحان میں اضافے، وبا کے نتیجے میں پیدا ہونے والے تناؤ اور پولیس پر اعتماد میں کمی نے قتل عام کے واقعات میں اضافہ کرنے میں اہم کردار ادا کیا ہے۔ ایف بی آئی کی ہتھیاروں کی خریداری سے متعلق تحقیق سے پتہ چلا ہے کہ 2020 کے ابتدائی عرصے میں جب کورونا کی وبا زور پکڑ رہی تھی، ہتھیاروں کی فروخت میں نمایاں اضافہ ہو گیا تھا۔ مارچ 2021 کے ایک ہفتے کے دوران جب وبا اپنے عروج پر تھی، 12 لاکھ 18 ہزار سے زیادہ آتشیں ہتھیار خریدے گئے۔ 1998 کے بعد سے یہ سب سے بڑی تعداد ہے۔ یاد رہے کہ امریکا میں ہتھیار رکھنے کی آزادی ہے اور لوگوں کے پاس بڑی تعداد میں ہتھیار موجود ہیں۔
