رفح میں دس لاکھ فلسطینی بے گھر ہو چکے ہیں، اونروا

غزہ : اسرائیلی فوج نے فضائی اور زمینی حملوں میں اضافہ کرکے رفح سے دس لاکھ فلسطینیوں کو بے گھر کردیا۔ فلسطینی پناہ گزینوں کے لئے اقوام متحدہ کے رفاحی ادارے انروا کی جانب سے سوشل میڈیا پلیٹ فارم ایکس پر پوسٹ کئے گئے ایک پیغام میں کہا گیا ہے کہ خان یونس میں اس وقت ہزاروں کنبے تباہ شدہ عمارتوں میں رہ رہے ہیں جنہیں تمام مشکلات کے باوجود انروا اشیائے ضروریہ فراہم کررہی ہے۔ دریں اثنا محصور غزہ پٹی میں حکومتی میڈیا آفس نے بتایا ہے کہ اسرائیل کی فلسطینیوں کو بھوک سے مارنے کی پالیسی کے نتیجے میں 3,500 بچوں کی زندگیوں کو شدید خطرہ ہے۔ میڈیا آفس نے مزید بتایا ہے کہ اسرائیلی محاصرے کی وجہ سے کھانے، دودھ، غذائی سپلیمنٹ، دوائیں اور ٹیکوں کی شدید قلط کا سامنا ہے۔