صیہونی فوج کے چوتھے روز بھی لبنان پر حملے، مزید 72 شہری شہید، تعداد 620 ہوگئی

بیروت : صیہونی فوج نے لبنان میں طائرشہر، وادی بیکا اور مایسرہ سمیت مختلف علاقوں پر شدید حملے کئے۔ تازہ حملوں میں 72 شہری شہید اور چار سو سے زائد زخمی ہوگئے۔ صیہونی حملوں میں شہداء کی تعداد چھ سو بیس ہوگئی ہے۔ دو ہزار سے زائد زخمی ہیں۔ اسرائیل نے لبنان پر زمینی حملے کی تیاری بھی شروع کردی ہے اور دو بریگیڈ فوج لبنانی سرحد پر بھیجنے کیلئے نوے ہزار ریزرو فوجیوں کو طلب کرلیا ہے۔ اسرائیلی حملوں سے بچنے کیلئے سینکڑوں شہری محفوظ علاقوں کی طرف نقل مکانی کر رہے ہیں۔