Raza Musani 
جدہ : اسلامی تعاون تنظیم نے سعودی عرب، ترکیہ اور پاکستان کے درمیان مکہ مشترکہ دفاعی معاہدے پر دستخط کا خیر مقدم کیا ہے۔ اور اسے خطے اور مسلم دنیا کے امن و استحکام کے لیے اہم قرار دیا ہے۔ او آئی سی سیکریٹری جنرل حسین ابراہیم طٰہٰ نے معاہدے کی بھرپور حمایت اور پذیرائی کا اظہار کیا۔ اورکہا کہ مکہ مشترکہ دفاعی معاہدہ ایک اہم تزویراتی قدم ہے۔ معاہدہ تینوں ممالک کے علاقائی اور عالمی تعاون کے عزم کا عکاس ہے۔ حسین ابراہیم طٰہٰ نے معاہدے کو خطے اور مسلم دنیا میں سلامتی و استحکام کے لیے بنیادی ستون قرار دیا۔ انہوں نے کہا کہ معاہدہ بڑھتے ہوئے سکیورٹی چیلنجز سے نمٹنے کے مشترکہ عزم کو ظاہر کرتا ہے۔ او آئی سی سربراہ نے مسلم ممالک کے درمیان یکجہتی اور تعمیری شراکت داری مضبوط بنانے پر بھی زور دیا۔
