Raza Musani 
اسلام آباد : پاکستان میں اکتالیس سال بعد اسلامی تعاون تنظیم کا اجلاس شروع ہوگیا ہے۔ وزرائے خارجہ کونسل کا یہ غیر معمولی اجلاس تین دن جاری رہے گا۔ اجلاس کا آغاز وزیر خارجہ شاہ محمود قریشی کے خطاب سے ہوا۔ عالمی اداروں، اقوام متحدہ، امریکا اور یورپی ممالک کے مندوب بھی شریک ہیں، اجلاس میں افغانستان میں معاشی و اقتصادی بحران سے نمٹنے پر مشاورت ہوگی۔کانفرنس کا بنیادی مقصد جنگ زدہ افغانستان میں بڑھتے ہوئے انسانی بحران کو روکنے کیلیے فوری امداداور وسائل کو متحرک کرنے کی ضرورت اجاگر کرنا ہے۔اجلاس کے موقع پر وفاقی دارالحکومت میں فول پروف سیکیورٹی کے انتظامات کئے گئے ہیں۔ریڈ زون میں عام شہریوں کا داخلہ بند ہو گا۔ میٹرو بس سروس کے اسلام آباد میں ابتدائی تین اسٹیشن اور تمام ہائیکنگ ٹریکس بند رہیں گے۔شاہراہ دستور ٹریفک کیلئے بند ہو گی۔
