سربیا میں اسرائیلی سفارتخانہ پر تعینات اہلکار حملہ میں زخمی

بلغراد : سربیا میں اسرائیلی سفارت خانے کے باہر تعینات پولیس اہلکار پر مسلح شخص نے تیر کمان سے حملہ کردیا۔ تیر اہلکار کی گردن پر لگا۔جس کے نتیجے میں پولیس اہلکار زخمی ہوگیا۔ زخمی اہلکار نے جوابی فائرنگ کی جس میں حملہ آور ہلاک ہو گیا۔ سربیا حکام نے واقعے کو دہشت گردی قرار دیا ہے۔ ہفتہ وار تعطیل کے باعث سفارت خانے میں سفارتی عملہ موجود نہیں تھا، حملے کے بعد اسرائیلی وزارت خارجہ نے سربیا میں سفارت خانے کو غیر معینہ مدت کے لیے بند کر دیا۔