قابض اسرائیلی آبادکار غزہ کے باسیوں کو بھیجی گئی امداد لوٹ رہے ہیں، اقوام متحدہ

اسرائیل میں آباد قابض آبادکاروں نے نسل کشی کا شکار غزہ کے باسیوں کو بھیجی جانے والی عالمی امداد کو لوٹنا شروع کر دیا۔ اقوام متحدہ کی ریلیف ایجنسی انروا کے مطابق غذائی سامان سے بھرے اقوام متحدہ کے ایک 109 ٹرک لوٹ لیے گئے ہیں۔ رپورٹ کے مطابق 97 کا پتہ ہی چلایا جاسکا، ان ٹرکوں کے ڈرائیوروں کو بندوق کی نوک پر ٹرک خالی کرنے کا حکم دیا گیا تھا۔
امدادی گاڑیوں کو دستی بموں سے بھی نشانہ بنایا گیا۔ انروا حکام کا کہنا ہے کہ امدادی کانوائے کو اسرائیلی حکام نے اچانک ایسا راستہ اختیار کرنے کا حکم دیا تھا، جس سے ڈرائیور واقف ہی نہیں تھے۔ انروا نے واضح کیا ہے کہ اسرائیلی حکام عالمی قانون کے تحت اپنی قانونی ذمہ داریاں ادا نہیں کر رہے۔ حماس کا کہنا ہے کہ اس نے ٹرکوں سے سامان چھیننے والے 20 افراد کو ہلاک کر دیا ہے۔